معروف بھارتی گلوکار شان کے گھر میں آگ لگ گئی
بھارت کے معروف گلوکار شان کے گھر میں آگ لگ گئی۔
بھارتی میڈیا رپورٹس کے مطابق ممبئی کے باندرہ ویسٹ میں شان کی رہائشی عمارت فارچیون انکلیو کی 7 ویں منزل پر آگ بھڑک اٹھی، گلوکار شان اس عمارت کے 11 ویں فلور پر رہائش پذیر ہیں۔
آگ بھڑک اٹھنے کی وجوہات کی تصدیق نہیں کی جا سکی ہے تاہم وجہ شارٹ سرکٹ بتائی جارہی ہے۔
آگ بھڑکنے کے فوری بعد فائربریگیڈ کا عملہ موقع پر پہنچ گیا تاہم اس دوران 80 سالہ خاتون کو تشویشناک حالت میں ریسکیو کرتے ہوئے اسپتال منتقل کردیا گیا ہے۔
حادثے کے بعد گلوکار شان نے اپنے جاری کردہ ایک بیان میں کہا کہ آگ بھڑک اٹھنے کے نتیجے میں مجھ سمیت اہلِ خانہ بھی محفوظ رہے۔
ان کا کہنا تھا کہ آگ 7 ویں منزل پر لگی لیکن ہم نے 15 ویں منزل پر جاکر خود کو محفوظ کیا اور پھر ریسکیو کیے جانے کا انتظار کرتے رہے، میں اور اہلخانہ مکمل طور پر محفوظ ہیں۔