عالمی اور مقامی مارکیٹوں میں سونے کی قیمت میں آج دوسرے روز بھی اضافہ ریکارڈ کیا گیا ہے۔ تولہ سونا 2 ہزار روپے مہنگا ہوگیا۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 2 ہزار روپے مہنگا ہوگیا، جس کے بعد فی تولہ سونے کی قیمت 4 لاکھ 40 ہزار 636 روپے کی سطح پر آگئی۔
اسی طرح آل پاکستان صرافہ جیمز اینڈ جیولرز ایسوسی ایشن کے مطابق 10 گرام سونے کی قیمت میں 1 ہزار 715 روپے کا اضافہ ہوا، جس کے بعد 10 گرام سونا 3 لاکھ 77 ہزار 774 روپے کا ہوگیا۔
عالمی مارکیٹ میں فی اونس سونے کی قیمت 20 ڈالر کے اضافے سے 4 ہزار 181 ڈالر کی سطح پر پہنچ گئی۔