
جماعت اسلامی اتوار 29 دسمبر کو غزہ کے مظلوم مسلمانوں سے یکجہتی کے لیے ملین مارچ کرے گی ۔
ذرائع کے مطابق جماعت اسلامی اور اسلام آباد ضلعی انتظامیہ کے مابین مذاکرات کامیاب ہوگئے۔ جماعت اسلامی کو نیو بلیو ایریا جناح ایونیو پر مارچ کی اجازت مل گئی۔
فریقین کے درمیان ملین مارچ کے حوالے سے مذاکرات کے دو راؤنڈ ہوئے،،اسلام آباد انتظامیہ بضد تھی کے مارچ سنگجانی ترنول کے مقام پر کی جائے۔
جماعت اسلامی کا اصرار تھا کہ وفاقی دارالحکومت کے وسطی علاقے میں مارچ کی اجازت دی جائے۔ غزہ مارچ سے امیر جماعت حافظ نعیم الرحمن سمیت مرکزی قیادت خطاب کرے گی۔