یاسر حسین کی نئی پوسٹ نے مداحوں کی توجہ اپنی جانب کھینچ لی
اقرا عزیز اور یاسر حسین کی بیٹی ’صوفیا‘ کی نئی تصاویر پر مداحوں کا پیار
-
ویب ڈیسک -
پاکستانی اداکار اور میزبان یاسر حسین نے اپنی ننھی بیٹی ’صوفیا‘ کی نئی تصاویر سوشل میڈیا پر شیئر کی ہیں جو مداحوں کی توجہ کا مرکز بن گئی ہیں۔
یاسر حسین نے فوٹو اور ویڈیو شیئرنگ پلیٹ فارم انسٹاگرام پر تصاویر پوسٹ کیں جنہیں مداحوں اور شوبز شخصیات کی جانب سے خوب پسند کیا جا رہا ہے۔
شیئر کی گئی ایک تصویر میں یاسر حسین اور صوفیا کے ہاتھ دکھائی دے رہے ہیں جبکہ دونوں کے چہرے نمایاں نہیں کیے گئے۔
ایک اور تصویر میں صوفیا اپنی والدہ، اداکارہ اقرا عزیز کے ساتھ موجود ہیں جبکہ یاسر حسین انہیں محبت سے پیار کرتے نظر آ رہے ہیں۔ اداکار نے اپنے بیٹے کبیر حسین کی چند تصاویر بھی مداحوں کے ساتھ شیئر کیں۔
یاد رہے کہ یاسر حسین اور اقرا عزیز کے ہاں 24 جنوری کو بیٹی صوفیا کی پیدائش ہوئی تھی جس کی خوشخبری دونوں نے سوشل میڈیا کے ذریعے اپنے مداحوں کے ساتھ شیئر کی تھی۔