عاصم اظہر کے گانے پر ہانیہ عامر کی نئی ویڈیو سوشل میڈیا پر وائرل

عاصم اظہر کے گانے پر ہانیہ عامر کی نئی ویڈیو سوشل میڈیا پر وائرل

گلوکار عاصم اظہر نے حال ہی میں اپنا نیا گانا ’آرزو‘ ریلیز کیا ہے

پاکستانی شوبز انڈسٹری کی معروف اداکارہ ہانیہ عامر کی گلوکار عاصم اظہر کے نئے گانے ’آرزو‘ پر پرفارمنس کی ویڈیو سوشل میڈیا پر وائرل ہوگئی ہے۔

گلوکار عاصم اظہر نے حال ہی میں اپنا نیا گانا ’آرزو‘ ریلیز کیا ہے جس میں انہوں نے خان، مادھورکسو اور نور کے ساتھ مل کر پرفارم کیا تاہم ریلیز کے بعد یہ گانا سوشل میڈیا پر ٹرینڈ بھی کرتا رہا اور صارفین کی جانب سے اسے خوب پذیرائی ملی۔

گزشتہ دنوں عاصم اظہر نے انسٹاگرام پر ایک ویڈیو بھی شیئر کی تھی جس کے بعد سوشل میڈیا صارفین میں یہ بحث شروع ہوگئی تھی کہ گانے کی ایک لائن ’پھر سے بولو‘ میں ممکنہ طور پر ہانیہ عامر کی آواز شامل ہے تاہم اس حوالے سے کوئی باضابطہ تصدیق سامنے نہیں آئی۔

اب ہانیہ عامر نے بھی اپنے انسٹاگرام پر اسی گانے پر لپ سنک اور پرفارمنس کرتے ہوئے ایک ویڈیو شیئر کی ہے جس میں انہیں گانے کے بول پر پرفارم کرتے دیکھا جاسکتا ہے۔

ان کی یہ ویڈیو گزشتہ روز شیئر کی گئی جسے ہزاروں مداح دیکھ چکے ہیں اور اس پر مختلف تعریفی تبصروں کا سلسلہ بھی جاری ہے۔