عطاء اللہ عیسیٰ خیلوی سے بوہیمیا کی ملاقات؛ ویڈیوز وائرل

پاکستان کے لیجنڈری گلوکار عطاء اللہ عیسیٰ خیلوی سے پاکستانی نژاد امریکی پنجابی ریپر و گلوکار بوہیمیا کی ملاقات کی ویڈیوز وائرل ہو گئی ہیں۔

حال ہی میں پاکستان کے لیجنڈری گلوکار عطاء اللہ عیسیٰ خیلوی سے پاکستانی نژاد امریکی پنجابی ریپر و گلوکار بوہیمیا کی لندن میں ملاقات کی ویڈیوز وائرل ہوگئی ہیں۔

 

ویڈیو میں بوہیمیا بتاتے ہیں کہ ان کا بچپن خیبرپختونخوا کے دارالحکومت پشاور میں گزرا، جہاں انہوں نے بچپن میں شاعری بھی لکھی، انہوں نے کبھی یہ نہیں سوچا تھا کہ وہ ریپر بنیں گے، البتہ انہیں گلوکاری اور موسیقی سے شگف رہا ہے۔

 

 

بوہیمیا کا کہنا تھا کہ امریکا میں آکر وہ ریپر بنے اور پھر انہوں نے ریپر گلوکاری میں پنجابی فوک میوزک کا تڑکا لگانا شروع کیا، جس سے ان کی مقبولیت میں اضافہ ہوا۔

 

 

ملاقات کے دوران عطاء اللہ عیسیٰ خیلوی نے بھی اپنے چند مقبول گیتوں کو گنگنایا، جس پر صارفین نے تبصرے کرتے ہوئے انہیں لیجنڈ قرار دیا۔