
خلیج تعاون کونسل کا چھیالیسواں غیر معمولی اجلاس کویت میں منعقد ہوا جس دوران وزرائے خارجہ کے اجلاس میں شام، لبنان اور غزہ کی صورتحال پر تبادلہ خیال کیا گیا۔
غیر ملکی میڈیا کے مطابق غزہ میں پانچ صحافیوں سمیت دیگر افراد کی شہادت پر اظہار افسوس کیا گیا۔ خلیج تعاون کونسل کے سیکرٹری جنرل جاسم البدوی نے شام کی خود مختاری، علاقائی سالمیت کے احترام اور غیرملکی مداخلت کو مسترد کرنے کی اہمیت پر زور دیا۔
انہوں نے کہا کہ ہم فلسطینی عوام کے شانہ بشانہ کھڑے ہیں۔ شام کی خود مختاری اور سالمیت پر بیرونی مداخلت مسترد کرتے ہیں۔
شام میں انتقال اقتدار کے لیے شامی عوام کی خواہشات کا احترام کیا جائے اور شام پر عائد پابندیاں ہٹائی جائیں۔
وزراء نے شام پر اسرائیلی حملوں کی مذمت کی۔ خلیج تعاون کونسل نے انسانی امداد جاری رکھنے کے عزم کا اعادہ کیا۔