کوئٹہ میں سریاب روڈ گاہی خان چوک کے قریب فائرنگ کے افسوسناک واقعے میں دو بھائی جان کی بازی ہار گئے جبکہ ان کا والد شدید زخمی ہو گیا۔ واقعہ جائیداد کے تنازعے کا شاخسانہ نکلا۔
پولیس کے مطابق بائی پاس کے رہائشی محمد افضل اپنے بیٹوں شمس الدین اور مرزا خان کے ہمراہ پیشی کے لیے سیشن کورٹ سریاب آ رہے تھے کہ گاہی خان چوک کے قریب تین مسلح ملزمان نے ان کی گاڑی پر اندھا دھند فائرنگ کر دی۔
فائرنگ سے دونوں بیٹے موقع پر ہی جاں بحق ہو گئے جبکہ محمد افضل کو زخمی حالت میں ہسپتال منتقل کردیا گیا۔ پولیس کا کہنا ہے کہ واقعے میں ملوث ملزمان مقتولین کے چچا زاد ہیں جو فائرنگ کے بعد موقع سے فرار ہو گئے۔
پولیس کے مطابق واقعے کی مزید تحقیقات جاری ہیں۔
Copyright © 2024. Jachu News . All Rights Reserved. Developed By Digital Way Pro