احمد علی اکبر کی مہندی نائٹ کی تصاویر اور ویڈیوز وائرل
پاکستان کے معروف اداکار احمد علی اکبر کی مہندی کی تصاویر اور ویڈیوز وائرل ہو گئی ہیں۔
اداکار احمد علی اکبر نے اپنی شادی کے حوالے سے کوئی خبر مداحوں کے ساتھ شیئر نہیں کی تاہم ان کے قریبی دوست اور پاکستانی شوبز انڈسٹری سے تعلق رکھنے والے اداکار عثمان مختار نے انسٹاگرام پر مہندی نائٹ کی تصاویر شیئر کی ہیں۔
اس کے علاوہ مختلف سوشل میڈیا پیجز کی جانب سے مہندی کی تقریب سے دولہا اور دلہن کا مختصر ویڈیو کلپ بھی شیئر کیا گیا ہے، جس میں یہ جوڑی خوب ہلہ گلہ کرتی نظر آ رہی ہے۔