سونا خریدنے والوں کے لیے بڑی خبر، سونا آج بھی مزید سستا

عالمی مارکیٹ میں سونے کی قیمت مسلسل تنزلی کا شکار ہے۔جس کے باعث فی تولہ سونا ساڑھے 5 لاکھ کی حد عبور کرنے کے بعد تقریباً 14 ماہ قبل کی کم ترین سطح پر واپس آگیا ہے۔ 

آل پاکستان صرافہ جیمز اینڈ جیولرز ایسوسی ایشن کے مطابق کاروباری ہفتے کے پانچویں روز ایک تولہ سونا مزید 15 ہزار400 روپے سستا ہوگیا جس کے بعد فی تولہ سونے کی قیمت 3لاکھ 79ہزار836 روپے ہوگئی۔

اسی طرح 10 گرام سونے کی قیمت مزید 13ہزار203 روپے کی کمی 3لاکھ 25ہزار648 روپے ہو گئی۔

دوسری جانب عالمی مارکیٹ میں سونے کا بھاؤ 154 ڈالرز کم ہو کر 3 ہزار 573 ڈالرز فی اونس ہو گیا۔

واضح رہے کہ عالمی اور ملکی سطح پر مختلف عوامل سونے کی قیمتوں پر اثرانداز ہوتے ہیں جن میں امریکی ڈالر کی قدر میں تبدیلی، عالمی معاشی صورتحال میں غیر یقینی، جغرافیائی کشیدگی اور سرمایہ کاروں کا رجحان شامل ہے۔

عالمی سطح پر معاشی اور سیاسی غیر یقینی کے دوران سرمایہ کار سونے کو محفوظ سرمایہ کاری سمجھتے ہیں۔ ایسے حالات میں سونے کی طلب بڑھنے سے اس کی عالمی قیمت میں اضافہ ہو سکتا ہے جبکہ غیر یقینی صورتحال میں کمی قیمتوں پر دباؤ ڈال سکتی ہے۔

پاکستان میں عالمی مارکیٹ میں سونے کی قیمت کے علاوہ روپے اور امریکی ڈالر کا شرح تبادلہ بھی مقامی صرافہ مارکیٹ میں سونے کی قیمت کے تعین میں اہم کردار ادا کرتا ہے۔

تازہ ترین

مزید خبریں :

Popular Articles