رمشا خان اپنی بہن کی شادی میں ماسک اور چشمے میں کیوں نظر آئیں؟ وجہ سامنے آگئی

رمشا خان اپنی بہن کی شادی میں ماسک اور چشمے میں کیوں نظر آئیں؟ وجہ سامنے آگئی

میں کیمرے کے سامنے نہیں آنا چاہتی، رمشا خان کا نجی زندگی سے متعلق بیان وائرل ہوگیا

پاکستانی اداکارہ رمشا خان نے اپنی بہن اور انفلوئنسر علیشا خان کی شادی کی تقریبات میں نمایاں طور پر نظر نہ آنے کی وجہ بتادی۔

حال ہی میں علیشا خان کی شادی کی تقریبات منعقد ہوئیں جن کی تصاویر اور ویڈیوز سوشل میڈیا پر خاصی توجہ کا مرکز رہیں تاہم شادی کی تقریبات میں دلہن کی بہن رمشا خان اور ان کے شوہر اداکار خوشال خان کی غیر موجودگی مداحوں کی توجہ کا باعث بنی۔

رمشا خان اور خوشال خان کو شادی کی صرف ایک تقریب میں دیکھا گیا جہاں دونوں نے سادہ لباس زیب تن کیا ہوا تھا۔ اس موقع پر دونوں نے ماسک اور چشمے کے ذریعے اپنی شناخت چھپانے کی کوشش بھی کی۔

بعد ازاں شادی کی تقریب کے دوران ایک ٹی وی میزبان سے گفتگو میں رمشا خان نے اپنی نجی زندگی اور میڈیا سے دوری کے حوالے سے وضاحت کی۔

میزبان کے مطابق رمشا خان نے بتایا کہ ان کے شوہر کی جانب سے ان پر کسی قسم کی پابندی عائد نہیں کی گئی بلکہ وہ خود کیمرے کے سامنے آنے سے گریز کرنا چاہتی ہیں اور ’رمشا خان‘ کے نام سے ہیش ٹیگ بھی نہیں چاہتیں۔

میزبان نے مزید بتایا کہ رمشا خان اپنی موجودہ زندگی سے خوش ہیں اور ایک نجی فرد کی حیثیت سے زندگی گزارنا چاہتی ہیں۔ سب کو رمشا کی نجی زندگی اور ان کی خواہش کا احترام کرنا چاہیے۔