ماورا حسین اور امیر گیلانی شادی کے بندھن میں بندھ گئے

اداکارہ ماورا حسین اور اداکار امیر گیلانی شادی کے بندھن میں بندھ گئے۔

حال ہی میں اداکارہ ماورا حسین نے اپنے انسٹاگرام اکاؤنٹ پر اپنی شادی کی تصاویر شیئر کی ہیں، ماورا یہ تصاویر لاہور کے شاہی قلعے میں لی گئی ہیں۔

تصاویر کے کیپشن میں ماورا نے لکھا کہ ’اور تمام افراتفری کے درمیان میں نے آپ کو پالیا‘، ساتھ ہی ماورا نے نکاح کی تاریخ لکھتے ہوئے ’ماورا امیر ہو گئی‘ کا ہیش ٹیگ بھی استعمال کیا۔

 

خیال رہے کہ ماضی میں ماورا حسین نے ایک انٹرویو میں کہا تھا کہ امیر گیلانی ایک زبردست انسان ہیں اور ہم دونوں بہت گہرے دوست ہیں اور اگر دو دوست آپس میں شادی کرنا چاہیں تو شادی بھی کر سکتے ہیں۔