اداکارہ حریم سہیل کی مایوں کی تصاویر وائرل
پاکستانی اداکارہ حریم سہیل کی مایوں کی تصاویر سوشل میڈیا پر وائرل ہو گئی ہیں۔
حال ہی میں پاکستانی اداکارہ حریم سہیل نے انسٹاگرام اکاؤنٹ پر اپنی مایوں کی مختلف تصاویر اور ویڈیو شیئر کی ہیں جو سوشل میڈیا کے مختلف پلیٹ فارمز پر بھی وائرل ہوگئیں۔
اداکارہ کی مایوں کی تقریب کا اہتمام گزشتہ روز کیا گیا جس میں قریبی عزیز و اقارب نے شرکت کی۔
تصاویر اور ویڈیوز میں دیکھا جاسکتا ہے کہ سجاوٹ زرد رنگ سے کی گئی ہے اور حریم نے بھی اسی مناسبت سے لباس زیب تن کیا ہے۔
مایوں کی تصاویر وائرل ہونے کے بعد حریم سہیل کو ساتھی فنکاروں کی جانب سے مبارکباد دینے کا سلسلہ جاری ہے۔