باکو کی سیر؛ ایمن خان اور منیب بٹ کی دلکش تصاویر سوشل میڈیا پر وائرل
منیب بٹ اور ایمن خان کی فیملی ویکیشن کی تصاویر نے مداحوں کی توجہ حاصل کرلی
-
ویب ڈیسک -
پاکستانی شوبز کی معروف جوڑی ایمن خان اور منیب بٹ ان دنوں اپنی فیملی کے ساتھ آذربائیجان کے خوبصورت شہر باکو میں چھٹیاں گزار رہے ہیں۔
اس یادگار سفر سے قبل دونوں نے اپنی بیٹیوں کے ہمراہ دبئی میں بھی کچھ وقت گزارا۔ باکو پہنچنے کے بعد اس جوڑے نے 14 اگست کے موقع پر پاکستان کا یومِ آزادی بھی بھرپور انداز میں منایا اور مداحوں کے ساتھ خوبصورت تصاویر شیئر کیں۔
ایمن اور منیب نے اس موقع پر سفید رنگ کی ایک جیسی ٹی شرٹس پہن کر پاکستانی پرچم سے محبت کا اظہار کیا جبکہ ان کی بیٹیوں نے بھی پاکستان کے پرچم کے رنگوں اور ڈیزائن والی شرٹس زیب تن کیں۔
انہوں نے باکو کے مشہور اور دلکش مقامات کی سیر بھی کی اور اپنی تفریحی سفر کی مختلف جھلکیاں سوشل میڈیا پر مداحوں کے ساتھ شیئر کیں۔
ایمن اور منیب کی جانب سے شیئر کی گئی تصاویر میں ان کی فیملی کے خوشگوار لمحات اور باکو کے خوبصورت مناظر نمایاں ہیں جنہیں مداحوں کی جانب سے بھی بے حد پسند کیا جا رہا ہے۔