صبور علی کو بیچ ویئر میں بولڈ تصاویر شیئر کرنا مہنگا پڑ گیا
تھائی لینڈ ٹرپ کی تصاویر شیئر کرنے پر صبور علی تنقید کی زد میں آگئیں
-
ویب ڈیسک -
پاکستان شوبز انڈسٹری کی معروف اداکارہ صبور علی کی تھائی لینڈ میں تعطیلات کے دوران شیئر کی گئی تصاویر اور ویڈیوز سوشل میڈیا پر توجہ کا مرکز بن گئی ہیں۔
صبور علی نے اپنے انسٹاگرام اکاؤنٹ پر ساحلِ سمندر سے لی گئی متعدد تصاویر اور ویڈیوز شیئر کیں جن میں وہ بیچ ویئر اور مغربی طرز کے ملبوسات میں نظر آئیں۔
تصاویر وائرل ہونے کے بعد بعض سوشل میڈیا صارفین نے ان کے لباس اور انداز پر تنقید کی جبکہ کچھ نے مختلف آرا کا اظہار کرتے ہوئے انہیں تنقیدی تبصروں کا نشانہ بنایا۔
ایک صارف نے تبصرہ کیا کہ عام طور پر شادی کے بعد لوگ زیادہ سنجیدہ ہو جاتے ہیں لیکن یہاں معاملہ مختلف نظر آتا ہے۔ ایک اور صارف نے لکھا کہ افسوس کہ ایسے لباس اپنے ملک میں نہیں پہنے جا سکتے اس لیے دوسرے ممالک جا کر تصاویر شیئر کی جاتی ہیں۔
دوسری جانب متعدد مداحوں نے صبور علی کی حمایت کرتے ہوئے کہا کہ ہر شخص کو اپنی ذاتی زندگی اور لباس کے انتخاب کا حق حاصل ہے اور سوشل میڈیا پر غیر ضروری تنقید سے گریز کیا جانا چاہیے۔