مری ایکسپریس وے کے علاقے ’پروین‘ میں اچانک آگ بھڑک اٹھنے کے نتیجے میں افسوسناک حادثہ پیش آیا، جس میں متعدد افراد کے جاں بحق ہونے کی اطلاع ہے۔ واقعے کے بعد ریسکیو اداروں اور متعلقہ حکام نے فوری طور پر امدادی کارروائیاں شروع کر دیں۔
ترجمان موٹروے پولیس کے مطابق مری ایکسپریس وے پر پیش آنے والے اس حادثے میں آگ لگنے کے باعث جانی نقصان ہوا ہے، جبکہ جاں بحق افراد کی حتمی تعداد اور ان کی شناخت سے متعلق معلومات تاحال جاری نہیں کی گئیں۔
ترجمان کا کہنا ہے کہ ریسکیو ٹیمیں موقع پر موجود ہیں اور امدادی سرگرمیاں بھرپور انداز میں جاری ہیں۔ متاثرہ افراد کو محفوظ مقام پر منتقل کرنے اور صورتحال پر قابو پانے کے لیے متعلقہ ادارے مشترکہ طور پر کام کر رہے ہیں۔
حکام کے مطابق واقعے کی وجوہات کا تعین کرنے کے لیے تحقیقات کا آغاز کر دیا گیا ہے، جبکہ مزید تفصیلات سامنے آنے پر عوام کو آگاہ کیا جائے گا۔