حنا آفریدی بغیر میک اپ رہنا کیوں پسند کرتی ہیں؟
سادہ میک اپ یا بالکل بغیر میک اپ رہنا زیادہ پسند کرتی ہوں، اداکارہ
-
ویب ڈیسک -
نامور پاکستانی اداکارہ حنا آفریدی نے کم یا بغیر میک اپ کے رہنے کی وجہ بتا دی ہے۔
حال ہی میں حنا آفریدی اپنے ڈرامہ سیریل ”مرزا کی ہیر“ کی تشہیر کے سلسلے میں ایک نجی ٹی وی کے شو میں شریک ہوئیں جہاں انہوں نے اپنی ذاتی ترجیحات کے بارے میں گفتگو کی۔
اداکارہ کا کہنا تھا کہ وہ سادہ میک اپ یا بالکل بغیر میک اپ رہنا زیادہ پسند کرتی ہیں، ان کے ڈرامے میں ادا کیا جانے والا کردار ”ہیر“ بھی انتہائی سادہ انداز رکھتا ہے جو صرف ہلکا ٹنٹ یا مسکارا استعمال کرتا ہے۔
اداکارہ نے مزید بتایا کہ میں نے اپنی جلد پر میک اپ استعمال کرنے کی کوشش بھی کی تاہم مجھے وہ انداز زیادہ پسند نہیں آیا اور میں خود کو قدرتی (natural) لُک میں زیادہ بہتر محسوس کرتی ہوں۔