ہالی ووڈ کے مشہور اداکار جیکی چین نے غزہ میں جاری اسرائیلی کارروائیوں کے دوران بچوں کی مشکلات دیکھ کر گہرا دکھ محسوس کیا۔
ایک تقریب میں جیکی چین نے کہا کہ انہوں نے حال ہی میں فلسطینی بچے کی ایک ویڈیو دیکھی، جس میں بچے سے پوچھا گیا کہ “آپ بڑے ہو کر کیا بنیں گے؟” بچے نے جواب دیا کہ ہمارے علاقے کے بچے بڑے نہیں ہوتے۔
اس جواب نے جیکی چین کو شدت سے غمزدہ کر دیا اور ان کی آنکھوں سے آنسو نکل آئے۔
ہالی ووڈ اداکار نے کہا کہ غزہ کے بچے روزانہ بمباری اور تشدد کا شکار ہیں اور یہ مناظر دیکھ کر دل مغموم ہو گیا۔
Jackie Chan speaking about the children of Gaza 💔 pic.twitter.com/Kg7Dp1KMrG
— Dr. Umar Khan (@ahl_e_uloom) December 31, 2025
انہوں نے تقریب میں موجود بزرگوں سے مخاطب ہو کر کہا کہ بڑھاپا ایک نعمت ہے اور وہ تمام بزرگوں کو مبارکباد دیتے ہیں جو عمر کے اس مرحلے تک پہنچنے کی سعادت رکھتے ہیں۔
واضح رہے کہ اسرائیل کی جانب سے غزہ میں جاری تشدد نے عام شہریوں، خاص طور پر بچوں اور خواتین کی زندگیوں کو شدید خطرے میں ڈال دیا ہے اور عالمی و سوشل میڈیا پر ہر روز اموات اور متاثرہ خاندانوں کی خبریں سامنے آرہی ہیں۔