وفاقی دارالحکومت میں چینی کی قیمت مقرر، نوٹیفکیشن جاری

وفاقی دارالحکومت میں چینی کی قیمت مقرر کر کے نوٹیفکیشن جاری کر دیا گیا۔
نوٹیفکیشن کے مطابق اسلام آباد میں چینی کی ریٹیل قیمت 172 روپے فی کلو مقرر کر دی گئی ہے۔ چینی ایکس مل ریٹ پر 165 روپے فی کلو بیچی جائے گی۔
جاری کردی نوٹیفکیشن کے مطابق پرائس کی خلاف ورزی کی صورت میں سخت قانونی کارروائی ہوگی۔
ڈی سی اسلام آباد کی جانب سے تمام اسسٹنٹ کمشنرز کو احکامات جاری کر دیے گئے ہیں۔
محکمہ خوراک کے پی کا ایکس مل ریٹ پر چینی کی فروخت کو یقینی بنانے کی ہدایت
ڈپٹی کمشنر اسلام آباد نے کہا کہ چینی کی ریٹ لسٹ سے زائد قیمت وصول کرنے والوں کے خلاف کریک ڈاؤن کیا جائے۔
ڈپٹی کمشنر اسلام آباد عرفان میمن کا مزید کہنا تھا کہ شہری چینی خریدتے وقت قیمت ریٹ لسٹ کے مطابق ہی ادا کریں اور چینی کی زائد قیمت وصول کرنے والے دکانداروں کی نشاندہی بھی کریں۔