وزیر اعظم کی خیبرپختونخوا میں بلدیاتی انتخابات کی بھرپور تیاریوں کی ہدایت

وزیراعظم شہباز شریف کی زیرصدارت مسلم لیگ (ن) خیبرپختونخوا کی پارلیمانی پارٹی کے اجلاس میں صوبے کی سیکیورٹی اور سیاسی صورت حال پر تبادلہ خیال کیا گیا۔ وزیراعظم نے پارلیمانی پارٹی کو خیبرپختونخوا میں گورنر راج اور ایمرجنسی کے نفاذ کی وجوہات سے آگاہ کیا جب کہ پارٹی کو صوبے میں مزید متحرک کرنے اور بلدیاتی انتخابات کی بھرپور تیاریوں کی ہدایت بھی کی گئی۔
جمعرات کو اسلام آباد میں وزیراعظم شہباز شریف کی زیرصدارت مسلم لیگ (ن) خیبرپختونخوا کی پارلیمانی پارٹی کا اجلاس ہوا، جس میں صوبے کی سیکیورٹی صورت حال پر تفصیلی گفتگو کی گئی جب کہ اجلاس میں خیبرپختونخوا کی سیاسی صورت حال پر بھی تبادلہ خیال کیا گیا۔
ذرائع کے مطابق وزیراعظم نے پارلیمانی پارٹی کو خیبرپختونخوا میں گورنر راج کے نفاذ کی وجوہات بتائیں اور ایمرجنسی کے نفاذ سے متعلق بھی آگاہ کیا۔
اجلاس میں خیبرپختونخوا میں مسلم لیگ (ن) کو مزید متحرک کرنے کا فیصلہ کیا گیا جب کہ وزیراعظم نے پارٹی کے تنظیمی عہدیداروں کو بلدیاتی انتخابات کی بھرپور تیاری کرنے اور ان تیاریوں پر خصوصی توجہ دینے کی ہدایت کی۔
اجلاس میں صوبے کی سیاسی صورت حال اور سیکیورٹی سے متعلق امور کا جائزہ لیا گیا جب کہ خیبرپختونخوا میں پارٹی کی تنظیمی سرگرمیوں کو مزید مؤثر بنانے پر بھی زور دیا گیا۔