افغانستان میں دہشت گردوں کی بڑھتی ہوئی موجودگی خطے کے ہمسائیہ ممالک کے لیے شدید خطرہ بن گئی ہے۔
ذرائع کے مطابق افغانستان کے لیے پاکستان کے نمائندہ خصوصی محمد صادق خان نے ازبک ہم منصب سے ورچوئل مشاورت کی، جس میں افغانستان کی موجودہ سلامتی صورتحال اور دہشت گردی کے بڑھتے ہوئے خطرات پر تفصیلی گفتگو ہوئی۔
محمد صادق نے بتایا کہ افغان طالبان کی میزبانی میں دہشت گرد گروہوں کی موجودگی ایک بڑا چیلنج بن چکی ہے اور اس سے نہ صرف افغانستان بلکہ خطے کے دیگر ممالک بھی متاثر ہو رہے ہیں۔
اُن کا کہنا تھا کہ افغانستان میں ازبک دہشت گردوں کی تعداد دو ہزار پانچ سو سے زائد ہے، جو ٹی ٹی پی کے بعد خطے میں سرگرم دہشت گردوں کا دوسرا سب سے بڑا گروپ ہے۔