ملک میں کتنے رجسٹرڈ ووٹرز ہیں؟ الیکشن کمیشن نے نئے اعداد و شمار جاری کر دیے

ملک میں رجسٹرڈ ووٹرز کی تعداد تیرہ کروڑ چوالیس لاکھ اٹھائیس ہزار پانچ سوستتر ہو گئی۔ الیکشن کمیشن نے اعداد و شمار جاری کردئیے۔
الیکشن کمیشن نے ملک میں ووٹرز کے تازہ ترین اعداد وشمار جاری کردیے۔الیکشن کمیشن کے اعداد وشمارکے مطابق ملک میں رائے دہندگان کی مجموعی تعداد 13کروڑ 44 لاکھ 28 ہزار 577 تک جا پہنچی ہے۔
ملک میں مرد ووٹرز کی تعداد سات کروڑ 21 لاکھ 24 ہزار 209 جبکہ خواتین ووٹرز کی تعداد چھ کروڑ 23 لاکھ 4 ہزار 368 ہے۔ اسلام آباد میں رجسٹرڈ ووٹرز کی تعداد 12 لاکھ 7 ہزار287 ہے۔ پنجاب میں رجسٹرڈ ووٹرز کی تعداد سات کروڑ 65 لاکھ 63 ہزار 243 ہو گئی ہے۔
بلوچستان میں ووٹرز کی تعداد 56 لاکھ 13 ہزار 371ہو گئی ہے۔ سندھ میں رجسٹرڈ ووٹرز کی تعداد دو کروڑ81 لاکھ 70 ہزار 274 ہوگئی ہے۔
اسی طرح خیبر پختونخوا میں رجسٹرڈ ووٹرز کی تعداد دو کروڑ 28 لاکھ 74 ہزار 402 تک پہنچ گئی ہے۔