سینیٹ انتخابات: خیبرپختونخوا سے 7 نشستوں پر 16 امیدوار مدمقابل، امیدواروں کی فہرست جاری

خیبرپختونخوا سے سینیٹ کی 7 جنرل نشستوں کے لیے انتخابی میدان سجا دیا گیا ہے، جہاں مختلف سیاسی جماعتوں اور آزاد حیثیت سے مجموعی طور پر 16 امیدوار مدمقابل ہوں گے۔ الیکشن کمیشن نے امیدواروں کی فہرست جاری کر دی ہے۔
الیکشن کمیشن کے مطابق پی ٹی آئی کی جانب سے خرم ذیشان، فیض الرحمان، مراد سعید اور اعظم سواتی انتخابی دوڑ میں شامل ہیں، جبکہ مسلم لیگ (ن) کے نیاز احمد اور پیپلز پارٹی کے محمد طلحہ محمود بھی اپنے کاغذات نامزدگی جمع کرا چکے ہیں۔
جے یو آئی (ف) کی طرف سے دلاور خان اور عطاء الحق میدان میں ہیں، جبکہ آزاد امیدواروں میں آصف رفیق، اظہر قاضی مشوانی، شفقت ایاز، عرفان سلیم، فیصل جاوید، محمد وقاص آفریدی، مرزا محمد آفریدی اور نور الحق قادری شامل ہیں۔
قومی اسمبلی کی مخصوص نشستیں: کاغذات نامزدگی جمع کرانے کا آغاز
الیکشن کمیشن کے مطابق امیدواروں کی جانچ پڑتال، اپیلوں اور حتمی فہرست کے بعد باقاعدہ پولنگ شیڈول کے مطابق ہو گی۔ سینیٹ انتخابات میں خیبرپختونخوا اسمبلی کے ارکان ووٹ کاسٹ کریں گے۔