کیا نیلم منیر شادی کے بعد شوبز کا حصہ رہیں گی؟ اداکارہ نے بتادیا
پاکستان کی معروف اداکارہ نیلم منیر نے بتادیا ہے کہ آیا وہ شادی کے بعد شوبز کا حصہ رہیں گی یا نہیں۔
حال ہی میں پاکستان کی معروف اداکارہ نیلم منیر نے اپنے انسٹاگرام اکاؤنٹ پر ایک تصویر پوسٹ کی ہے جس میں انہیں تیار ہوتے ہوئے دیکھا جاسکتا ہے۔
تصویر کے کیپشن میں اداکارہ نے لکھا کہ ’میں شاندار وقت گزار کر اب واپس آگئیں ہوں اور اب کام کرنے کیلیے ایک نئی سوچ کے ساتھ پرجوش ہوں‘۔
انہوں نے لکھا کہ اداکاری کی وجہ سے انہیں اتنی زیادہ محبت ملی ہے اور وہ دوبارہ کام کر کے اس کو مزید بڑھانا چاہتی ہیں۔
واضح رہے کہ نیلم منیر کی حال ہی میں پاکستان سے تعلق رکھنے والے یو اے ای میں مقیم محمد راشد سے دبئی میں محبت کی شادی ہوئی ہے۔