سالگرہ کا شاہانہ منظر وائرل؛ اننت امبانی تنقید کی زد میں آگئے
اننت امبانی سوشل میڈیا پر خبروں کی زینت بن گئے
-
ویب ڈیسک -
بھارتی بزنس ٹائیکون مکیش امبانی کے بیٹے اور ملک کے امیر ترین نوجوانوں میں شمار ہونے والے اننت امبانی کی سالگرہ کے موقع پر ممبئی میں واقع باندرہ ورلی سی لنک کو خصوصی طور پر روشن کیا گیا۔
رپورٹس کے مطابق پل پر اننت امبانی کی تصویر کے ساتھ ”ہیپی برتھ ڈے اننت امبانی جی“ کا پیغام بھی دکھایا گیا جس کے بعد یہ منظر سوشل میڈیا پر تیزی سے وائرل ہو گیا اور مختلف آراء سامنے آنے لگیں۔
کئی صارفین نے اس اقدام کو غیر معمولی اور شاہانہ قرار دیتے ہوئے تنقید کی جب کہ بعض افراد نے سوال اٹھایا کہ عوامی انفرااسٹرکچر کو اس نوعیت کے نجی یا ذاتی تقریبات کے لیے استعمال کرنا کتنا مناسب ہے۔
VIDEO | Mumbai: Bandra-Worli Sea Link illuminated ahead of Reliance Industries Limited Executive Director Anant Ambani’s birthday.
Chairman & Managing Director of Reliance Industries Limited, Mukesh Ambani and Nita Ambani’s youngest son, Anant Ambani, will celebrate his 31st… pic.twitter.com/0AaK4FRWFz
— Press Trust of India (@PTI_News) April 9, 2026
دوسری جانب کچھ صارفین نے اسے ثقافتی اور روایتی لائٹنگ ایونٹس سے تشبیہ دیتے ہوئے کہا کہ ماضی میں بھی باندرہ ورلی سی لنک کو مختلف مشہور شخصیات کی سالگرہ اور تقاریب کے موقع پر روشن کیا جا چکا ہے جن میں بالی ووڈ ستارے شاہ رخ خان اور سلمان خان بھی شامل ہیں۔
تاہم مجموعی طور پر یہ معاملہ سوشل میڈیا پر بحث کا باعث بنا ہوا ہے جہاں صارفین کی ایک بڑی تعداد اسے عوامی وسائل کے استعمال اور امیر طبقے کی نمائش سے جوڑ رہی ہے۔