خاتون ٹک ٹاکر سے مبینہ زیادتی؛ دانیہ شاہ کے شوہر حکیم شہزاد گرفتار
حکیم شہزاد لوہا پاڑ کے خلاف تھانہ صدر میں مقدمہ درج کردیا گیا
-
ویب ڈیسک -
خاتون ٹک ٹاکر سے مبینہ زیادتی کی کوشش کے الزام میں مرحوم مشہور ٹی وی اینکر کی سابقہ اہلیہ دانیہ شاہ کے شوہر حکیم شہزاد لوہا پاڑ کو گرفتار کر لیا گیا ہے۔
ذرائع کے مطابق پانچ شادیاں کرنے کے حوالے سے مشہور حکیم شہزاد لوہا پاڑ کے خلاف تھانہ صدر میں مقدمہ درج کیا گیا ہے جس میں زیادتی کی دفعات شامل ہیں۔
پولیس نے کارروائی کرتے ہوئے ملزم کو گرفتار کر لیا اور بتایا کہ خاتون ٹک ٹاکر کو صلح کے بہانے حکیم شہزاد لوہا پاڑ نے اپنے دواخانے بلایا جہاں مبینہ طور پر اس کے ساتھ زیادتی کی کوشش کی گئی۔
مزید بتایا گیا ہے کہ مبینہ واقعے کے دوران خاتون کے کپڑے بھی پھاڑے گئے تاہم پولیس نے ملزم کو حراست میں لے کر مزید تفتیش شروع کردی ہے۔