رواں سال عید الفطر کے موقع پر کون کون سے فلمیں ریلیز ہونے جارہی ہیں؟

عید الفطر 2026 پاکستانی فلم بینوں کے لیے خاص اہمیت رکھتی ہے کیونکہ اس موقع پر کئی بڑی فلمیں سینما کی زینت بن رہی ہیں جب کہ کئی کامیاب فلمیں ٹیلی ویژن پر بھی نمائش کے لیے پیش کی جارہی ہیں۔

کورونا کے بعد پاکستانی فلم انڈسٹری جو مشکلات کا شکار تھی اس عید پر مداحوں کو بھرپور تفریح فراہم کرنے جارہی ہے۔

سینما میں ریلیز ہونے والی فلمیں

آگ لگے بستی میں

فہد مصطفیٰ اور ماہرہ خان کی یہ فلم عید الفطر کے موقع پر سینما میں ریلیز ہورہی ہے۔ یہ ایک ایکشن کامیڈی فلم ہے جس میں جاوید شیخ بھی اہم کردار ادا کررہے ہیں۔

علاوہ ازیں معروف میزبان تابش ہاشمی اس فلم سے اداکاری کے میدان میں قدم رکھ رہے ہیں۔ فلم سازوں کو باکس آفس پر زبردست کامیابی کی امید ہے۔

باللہ

شان شاہد کی نئی فلم ’’باللہ‘‘ بھی عید کے موقع پر سینما میں ریلیز ہو رہی ہے۔ اس فلم میں شان ایک محافظ کا کردار ادا کر رہے ہیں جو مظلوموں کو انصاف فراہم کرتا ہے۔ مونا لیزا، سلیم شیخ اور نعیمہ بٹ بھی اس فلم میں شامل ہیں۔

دہلی گیٹ

یاسر خان، شمعون عباسی، جاوید شیخ اور روما مائیکل کی فلم ’’دہلی گیٹ‘‘ بھی عید پر سینما میں نمائش کے لیے پیش کی جارہی ہے۔

ٹیلی ویژن پر ورلڈ پریمیئر

عید کے موقع پر تین بڑی پاکستانی فلموں کا ٹیلی ویژن پر بھی ورلڈ پریمیئر ہورہا ہے۔

لو گرو

ماہرہ خان اور ہمایوں سعید کی فلم ’’لو گرو‘‘ گزشتہ سال عید پر ریلیز ہوئی تھی اور اب اس کا ورلڈ ٹیلی ویژن پریمیئر اے آر وائی ڈیجیٹل پر عید کے موقع پر ہورہا ہے۔ یہ رومانٹک کامیڈی فلم خاندان کے ساتھ دیکھنے کے لیے بہترین ہے۔

نیلوفر

فواد خان کی واپسی کی فلم ’’نیلوفر‘‘ گزشتہ سال باکس آفس پر زیادہ کامیاب نہ ہوسکی لیکن اب اس کا ورلڈ ٹیلی ویژن پریمیئر جیو انٹرٹینمنٹ پر عید کے موقع پر ہورہا ہے۔ یہ فواد خان اور ماہرہ خان کے مداحوں کے لیے خاص تحفہ ہے۔

دی لیجنڈ آف مولا جٹ

پاکستانی سنیما کی تاریخ کی سب سے زیادہ کمائی کرنے والی فلم ’’دی لیجنڈ آف مولا جٹ‘‘ کا ورلڈ ٹیلی ویژن پریمیئر بھی عید الفطر پر ہورہا ہے۔ فواد خان، ماہرہ خان، حمزہ علی عباسی اور حمائمہ ملک کی اس فلم نے باکس آفس پر تمام ریکارڈ توڑ دیے تھے۔