پاکستان کے معروف گلوکار عاصم اظہر کے کنسرٹ میں ہانیہ عامر کی موجودگی پر میرب علی کے بھائی رامس کا ردعمل سامنے آگیا ہے۔
حال ہی میں معروف اداکارہ ہانیہ عامر کو گلوکار عاصم اظہر کے ایک کنسرٹ کے دوران پہلی صف میں موجود دیکھا گیا، جس پر سوشل میڈیا صارفین کی جانب سے مختلف تبصرے اور قیاس آرائیاں سامنے آ رہی ہیں۔
ہانیہ عامر اور عاصم اظہر کا ماضی میں ایک دوستانہ تعلق رہا ہے، جس کا اختتام 2020 میں علیحدگی کی صورت میں ہوا تھا جس کے بعد عاصم اظہر نے اداکارہ و ماڈل میرب علی سے منگنی کی، جو حالیہ دنوں میں ختم ہو چکی ہے۔
کنسرٹ کے موقع پر اداکارہ کی موجودگی کے ساتھ ہی میرب علی کے بھائی اور سوشل میڈیا انفلوئنسر رامس علی کی ایک انسٹاگرام اسٹوری بھی وائرل ہو گئی، جس میں انہوں نے لکھا کہ وقت کی خوبصورتی یہ ہے کہ یہ سب کچھ سامنے لے آتا ہے۔
اس جملے کو کئی صارفین نے ایک عمومی اظہار خیال قرار دیا، تاہم بعض افراد نے اسے حالیہ حالات سے جوڑتے ہوئے ذو معنی پیغام تصور کیا۔
واضح رہے کہ سوشل میڈیا پر اس واقعے کے بعد ہانیہ عامر اور عاصم اظہر کے درمیان ممکنہ طور پر دوبارہ تعلقات کی قیاس آرائیوں کا سلسلہ ایک بار پھر شروع ہو گیا ہے۔