عاصم اظہر سے علیحدگی؛ میرب علی کی خوشگوار اور پُرجوش ویڈیو وائرل

پاکستانی اداکارہ میرب علی نے گلوکار عاصم اظہر سے منگنی ختم ہونے کے بعد اپنی تازہ ترین انسٹاگرام پوسٹ کے ذریعے مداحوں کو ایک مثبت اور خوشگوار پیغام دیا ہے۔

اپنے حالیہ شوٹ کے دوران میرب علی نے مکمل طور پر نیا اور پرجوش انداز اپنایا اور ایک انگریزی گانے پر خوشی سے جھومتی ہوئی ویڈیو اپنے انسٹاگرام پر شیئر کی۔

اس ویڈیو میں ان کے ساتھ اداکار خوشحال خان بھی موجود ہیں، جس کی ایک تصویر بھی سوشل میڈیا پر وائرل ہو رہی ہے۔

مداحوں نے میرب علی کی اس پوسٹ پر زبردست ردعمل دیا، اور کئی افراد نے انہیں “پوسٹ بریک اپ گلو” کا خطاب دیا۔

صارفین نے کہا کہ میرب علی اب اپنی زندگی میں آگے بڑھ چکی ہیں اور خوش و مطمئن نظر آرہی ہیں جبکہ ایک اور صارف نے کمنٹ سیکشن میں لکھا کہ لگتا ہے میرب علی کو علیحدگی کا کوئی اثر نہیں ہوا، وہ عاصم کو بتا رہی ہیں کہ وہ مکمل طور پر خوش ہیں۔

میرب علی کی تازہ پوسٹ نے ان کے مداحوں میں جوش و جذبہ پیدا کر دیا ہے اور ان کی حوصلہ افزائی کا باعث بنی ہے کہ وہ زندگی کے نئے باب کا مثبت انداز میں استقبال کر رہی ہیں۔