خیبر پختونخوا میں اپوزیشن اتحاد نے بھی آستینیں چڑھالیں، گورنر ہاؤس میں اہم مشاورتی بیٹھک

خیبرپختونخوا میں اپوزیشن اتحاد نے سیاسی سرگرمیاں تیز کر دیں۔ گورنر ہاؤس میں مشاورتی اجلاس منعقد ہوا، جس میں کل ہونے والے صوبائی اسمبلی اجلاس اور مخصوص نشستوں پر حلف برداری سے متعلق حکمت عملی پر غور کیا گیا۔
خیبرپختونخوا میں سینیٹ انتخابات سے قبل سیاسی گہما گہمی عروج پر پہنچ گئی ہے۔ اپوزیشن جماعتوں نے 21 جولائی کو ہونے والے انتخابات میں اپنے امیدوار دستبردار نہ کرنے کا فیصلہ کر لیا ہے۔
گورنر خیبرپختونخوا فیصل کریم کنڈی کی زیر صدارت اپوزیشن جماعتوں کے مشترکہ اجلاس میں کیا گیا، جس میں واضح کیا گیا کہ اپوزیشن کے تمام امیدوار سینیٹ کے میدان میں موجود رہیں گے۔
پی ٹی آئی میں اختلافات: ناراض گروپ پیچھے ہٹنے کو تیار نہیں، دو ملاقاتوں میں وزیراعلیٰ بھی قائل نہ کر سکے
اجلاس میں حکومت اور اپوزیشن کے درمیان سینیٹ نشستوں کے لیے ”پانچ اور چھ“ کے فارمولے پر عمل درآمد پر بھی اتفاق کیا گیا۔
اہم اجلاس میں جے یو آئی ف کے سینیٹر مولانا عطاالرحمان، اپوزیشن لیڈر ڈاکٹر عباد سمیت دیگر اپوزیشن جماعتوں کے امیدواروں نے شرکت کی۔ شرکاء نے متفقہ طور پر فیصلہ کیا کہ کسی صورت پیچھے نہیں ہٹا جائے گا۔